Монгол Улсын Засгийн газар, АНУ-ын Мянганы сорилтын корпорац хооронд байгуулсан II Компакт гэрээ буюу Усны Компактын гурван үндсэн төслийн нэг Хаягдал ус дахин боловсруулах төслийн хүрээнд шинэ Төв цэвэрлэх байгууламжийн дэргэд бүтээн байгуулсан Монголын анхны томоохон Хаягдал ус дахин боловсруулах үйлдвэрийг нээж, үйл ажиллагааг нь эхлүүлэх ёслолын арга хэмжээ 2026 оны 3 дугаар сарын 16-ны өдөр боллоо.

ХУДБҮ-ийн барилга угсралтын ажил бүрэн дуусаж, үйлдвэрийн туршилт тохируулгын үе шат албан ёсоор эхэллээ. Тус үйлдвэр шинэ ТЦБ-аас өдөрт 50 мянга хүртэлх шоо метр, MNS 4943:2015 стандартад нийцсэн хаягдал усыг хүлээн авч, тоног төхөөрөмжийн туршилтын ажлыг эхлүүллээ. Хүлээн авсан усаа дахин боловсруулаад, ДЦС-уудын техникийн хэрэглээ буюу цамхаг хөргөх, үнс зайлуулахад зориулан нийлүүлэх юм.

Нийслэлийн Засаг даргын Тамгын газар, Улаанбаатар хотын Ус сувгийн удирдах газраас “Төв цэвэрлэх байгууламжийн өнөөгийн нөхцөл байдал, шинэ цэвэрлэх байгууламжийн бүтээн байгуулалт” сэдэвт уулзалт хэлэлцүүлгийг “Хангарди” ордонд 2025 оны 8 дугаар сарын 19-ний өдөр зохион байгууллаа.